Banaw

Itiniay i Shoufeng(壽豐) Cen no Hualien(花蓮縣) ko Banaw a niyaro’, 375 ko sa’osi no parod no loma’, 885 ko sa’osi no tamdaw.

45% ko ka’aloman no Yincomin(原住民), polong han i, 398 ko tamdaw; o roma sato i, 55% ko ka’aloman no roma a finacadan, polong han i, 487 ko tamdaw.

O pa-sin-to(百分比) no ka’aloman no tamdaw no kasafinacadan(族群) i, ko Amis(阿美族)38%, Truku(太魯閣族)2%, Tayal(泰雅族)2%, roma(其他)2%.

Ira ko imeng(池南派出所) i niyaro’.

Banaw (池南)

I Hualinsing. （花蓮縣）nu Suhungsiyang （壽豐鄉）hawi, ira ku Banaw hananay a niyaru. Nikawrira caay kabana:’en. no tamdaw kiraniyau’. ano Liitan（鯉魚潭）Banaw hani awaay ku caay kabana’. saka i tepar no Liitan（鯉魚潭）ku Banaw hananay a niyaru. Pakayni nika cieci nu sa’uwac a masupsup ku nanum. sabanaw satu.

U saka’urip nu itiniay a tamdaw i. tolo^ no cecay i tadu sanay a mifuting i banaw. Makapah tingalaw ku nanum, itila saka mibuting ku heni tusa’urip, nikawrira yu masadak ku cidal atu mucelem ko cidal i, masaruma a ma’araw tada bangcal a mamelaw kuna banaw tingalawsa matiya u dehepicay a kidudung samisisa a mamelaw kuni sampuay a tamedaw, yu feriw sa ku bali i. mitaelif ku lunan haw i. matiya sa u nikasarayaraya i cedas nu nanum. anu ’amilik ku parakat nu parakatay tu lunan i, matungal ku tapelik nu nanum bangcal sa melawan.

U banaw a pisalamaan itini I Hualin away kucaay kabana’ nu kapah tinapisalamaan. nikawrira ira henay ku kapahay a pisalamaan. u piluinan u pisalamaan nu kapah.

U banaw hananay a niyaru’ u micidekay a niyaru’ caay ka dadahal. nikawrira u itiniay a tamdaw i masasiulaulah mapapadapadang.

masapakuyucay kinaniyaru’, u niyaru’ ni ama aku, u tumuk nu banaw ci baki aku, saka yu wawa henay kami itini ku tu’as aku saka lipahak sakaku itini a misalama. U rumasa tu, mahakulung kaku ci bayian a midudu tu ciris a mipaheku saka pamutek saku mata amimelaw tu luengllay a papah nu paheku caaytu kabana’ a makaripa' tu bekeluh. rumasatu u paheku tuku melawan matulu' tu i ciris. malaklak i nanum ku paheku, matalaw a malaliw ni bayi hawi caaytu pisapud. satawataway sa a midudu' ci bayian, mamelaw ni bayi mararemed ku beduy aku. ala satu ci bayi tu tata’akay a papah nu paheku cilecileminan ku papah. inian a demak cacay kapawan kaku.

Saka banabanaw! A niyaru’ u bangcalay mipalahaday tu tuas aku. Maulahk aku u kakininen aku kisu!

o kasadakan no lihaf

• 內政部戶政司全球資訊網
• 原住民族委員會全球資訊網統計資料