Dadowacen
Dadowacen（玉水橋部落）
mikawitItiniay i Chenggong(成功) Cen no Taitung-kowan(台東縣) ko Dadowacen a niyaro’, 122 ko sa’osi no parod no loma’, 276 ko sa’osi no tamdaw.
70% ko ka’aloman no Yincomin(原住民), polong han i, 194 ko tamdaw; o roma sato i, 30% ko ka’aloman no roma a finacadan, polong han i, 82 ko tamdaw.
O kilac no ka’aloman no tamdaw no kasafinacadan(族群) i, o 'Amis(阿美族)66%, Bunun(布農族)1%, roma(其他)2%.
Ona maro'ay tamdaw itini i ikor no Sakatos-Lalood no Hekal o maforaway nani Atolan,Ta'eman, Kuwansan,ato Tomi'yac, ka'eciday a tamdaw patiregn tona Dadowacen a niyaro'.
O katadamaanan no niyaro’
mikawitAdihay itini ko misahowaday ato misa'orangay a payrang itini, sahetoay o 'Amis a tamdaw ko matayalay, o ninian a howad ato 'orang patayraen i Taypaek a paliwal, tadamatekesay ko 'aca no howad ato 'orang, nawhani, makapahay ko nonom no riyar i salwaian no Taywan, cowa ka kadet, orasaka, ka'eso' a ka'enen ko nani tiniay a howa ato 'orang, rihaday heca ko tamdaw a koma'en to kaawa ko kadet no riyar awa ko sawarak, cowa ka pikari'ang to tatirengan. Matekasay ko 'aca no howak ato 'orang mamangay ko lifonno matayalay.
Ano mipaka'en kako to howad ato 'orang ano sa ko 'Amis a toamdaw, awaay ko tata'angay a payso to sapidemak to matiniay, ano micaliw kako i kinko ano sa i, mipatanpo to loma' ato omah, ano awa sato ko 'etan o mamaala no kinko ko loma' ato omah sa ko lacemcem no faloco, ora ko saka ca ka pitayal to matiniay, o pisakoli ko nga'ayay.