Ka’ilolan mi’ayaway to nikapolongan ci Huang Zhaokai

Ka’ilolan mi’ayaway to nikapolongan ci Huang Zhaokai

Ka’ilolan mi’ayaway to nikapolongan ci Uncle Kai (Huang Zhaokai, 1942〜2024) 懷念 民主先行者黃昭凱

Qiu Wanxing (邱萬興)

O kakangodoan no mita ka’ayaway to nikapolongan, mida’ocay mi’ayaway to nikapolongan, ’ayaway Kuomindayhiw ci Uncle Kai (Huang Zhaokai), i 2024 miheca 6 folad 1 romi’ad i kalahokan, kaci tapeling kang adada a mapatay, ira 82 mihecaan no ’orip itini hekal.

1942 miheca 8 folad 26 romi’ad masofoc ci Huang Zhaokai itira i Hainan pala, o mama ci Huang Taishe nano ka Dipongan sofitay a mitatiliday, nano ka’emangan itini i Keristo Ciwlo kiwkay a loma’ mato’as. I 1947 miheca mihakelong to mama minokay tayni i Taynansi pimenlo 1 piked a maro’, itiya mafiyol no 228 demakan, na mato’as to itiya a mafana’ to pakayniay to nian a demakan, itiya mafohat ko faloco’ to kaoratan.

Itini i kahecalay a masakakoki’an a mahecaan i, mikonanay KMT to saki Taywan nikapolongan onto a pipenec, patalaw a micoscos, tangasa anini ’alomanay tamdaw caay pakasikol to itiyaay ho a demak.

1979 miheca 12 folad 9 romi’ad, ci Huang Zhaokai, Dai Zhenyao, Ji Wansheng mikihatiya to Militaw casisya a Hamasin a demak, ona tayra i imeng mingitangit to imeng mipalafac to tamdaw. ikor no Militaw demakan, ci Huang Zhaokai pakayni i saying matoro’ to pikihatiya toya a demak, itiya to ci Cai Jiexiong a Siokiying ko mipadamaay, manga’ay aca ko kasadak, eca to ka rofoen.

Ikor no Militaw a demak, i 1981 miheca, ci Huang Zhaokai miceroh to pipatireng ni Zhou Qingyu to “Mikasini’adaay a casi” ko tayal, midipot to laloma’an no Militaw a marofoay ato wawa, sida’it to marofoay to sakisician. I 1983 miheca, mikihatiya to papotalay no kasarekad mitiliday a mikawit kapolongan, cingra aci Dai Zhenyao, Qiu Yiren, Hong Qichang, Lin Zhuoshui saheto o mato’asay no Sincawliw cangra. papotalay no kasarekad a widawidang paka ci “Uncle Kai” han ko pitahidan i cingraan.

I 1985 miheca ci Huang Zhaokai, Lin Zongzheng, Cai Youquan, Tong Chunfa a foksi, tayra i Toronto no Canada, mikapot to URM a pinaneman sa’opo, miai ci Dr. Lin Zhefu hakasi ninanam to miolahay ato caay ko mifolaway a syakay onto, o saka 4 rekad no URM ko pisawad. I 1986 miheca, itiya ikor no Mincintang i Yinsang pipatirengan i, mapatireng no Mincintang ci Huang Zhaokai to saka 1 rekad i tatapangan citodongay a wiyin, mapatodong saka 1 rekad Mincintang Taynansitangpo citodongay dademakay, palamit i kasaniyaro’ ko tayal.

I 1987 miheca, Katimolay ci faloco’, cingra aci Zheng Nanrong, Lin Zongzheng paripa’ pahapinang to 228 a sa’awas, malacecay cangra misetol to sakowan, tatolo mala’afang macodah to sa’ayaway sa’awas, “Mihirateng 228 kanga’ayan romi’ad 40 mihecaan”. Itiya i, pasadak to no niyah payso sapi’aca to matekesay sasisyasing, sapikilok to pahapinang 228 a demakan ato piliyaw misingkiw to pikaykian no kitakit a pisyasing pikilokan, mapateli i 228 kitakit piharatengan pina’angan. O sapikadkadaw to 228 sa’elinay to pisi’ayaw nangra marepet no imeng mafolaw a matena’ cangra, saka caay ka tararikor matalaw.

I 1987 miheca, ciriko’ cingra to Pisiiked to Taywan ci raraw haw? Kacodah masadak midama ci Cai Xu a Pisiiked to Taywan a onto. I 1988 miheca 12 folad 31 romi’ad, o sapipaherekaw to Wu Feng mikinapatayay mangahay sapicingcing a pikowan a kimad, mikihatiya to URM minanamay, mitaroh mipolin to mapatirengay i ka’ayaw cilamalay syataw no Ciaisi a Wu Feng marar samiyay.

Ci Huang Zhaokai mala saka 2, 3 rekad a Kuomindayhiw, i 1995 miheca, patireng to katimolay radio, mala citodongay kakeridan, ano o nai papotalay no kasarekad a mihecaan piliyang, i nipipatirengan to Mincintan itiya, caay ka ci awaayay ningra mikihatiya to syakay onto, saka masowal i “Ma’oripay i nikapolongan a rayray no citing” sanay.

O saka cinikapolongan no Taywan anini, o nano pilitado to pikinafalah to tireng no ’ayaway to saki nikapolongan, ato matiyaay ni Huang Zhaokai caayay ka safa tararikoray faloco’, itiya lalan no mikinafalahay to saki nikapolongan lalan saka maraay ato ci mapakoniraay ko rarakaten no finawlan no Taywan.