Kacomoli

Katacomoli (Kacomoli, comoli: 蝸牛)

'Adihay ko katacomoli no Taywan. Maala to 282 ko matamaay. Adengan, mamama:mang, kihepihepic a maemin.

Kakaenen a katacomoli

O maenga'ay a makaen a katacomoli i, o “非洲大蝸牛 (Achatina fulica, o pipangangan no mikingkiway)” hananay.

O mipacomodan no Dipong ko kakaenan a katacomoli tayni i Taywan. Maala ko cecay kapal no tamdaw ko sakatata'angay. O sapitongalaw nangra to kakaenen a titi no pina'orip to 'alomanay. Cango'ot to titi ko tamdaw no Taywan i tiyaho, o misa'ayaman, o misafafoyan, o mifotingan, caay ka edeng. O matiniay sato ko mipacomodan no mikingkiway a Dipong.

Sepat, roma lima a folad i, tata'angto ko kalomahad no matiniay a katacomoli. Maenga' to a ciwawa, maala ko cecay so'ot ko kacifita'ol. Harakat ko kalomahad nangra. Maala ko lima miheca ko 'orip nangra.

O fita'ol no katacomoli, kohecal, makimamangho to kanoos no saliki^li' a tarodo'. Matalaw to cidal. Maolah i lidolidongan no semot, no pipalomaan to lapot.

Komaen to pinaloma no tamdaw, no koengelay a papah ato ca'ang to pina'orip. O saka'osian no malingaday.

'Alomanto ko misakatacomoliay anini, nawhani, 'aloman ko maolahay a komaen to titi no katacomoli.

Ano sapisafelan a komaen to titi no matiniay a katacomoli, tengeren!. Cifao to “廣東住血線蟲” ko katocomoli. Mangalef ko matiniay. Ano caay kaedeng ko pitenger i, micomod ko fao nai katacomoli tayra i remes, malo' i pono' no tamdaw. Roma mapatay ko tamdaw.

Pi’arawan to lakaw

中文維基百科 [1]https://zh.wikipedia.org/wiki/非洲大蝸牛