Kakonah

O masakapokapotay a matayal ko kakonah. Ira ko tolo a kasawasil no kakonah: o matayalay a kakonah (工蟻), o fa'inayan a kakonah (雄蟻), o fafahiyan tapang a kakonah (蟻后).

Caay karomakat ko kakonah i kaemang ho, saka o matayalay a kakonah (工蟻) ko mipakaenay i cangranan. Kaenen no matayalay a kakonah (工蟻) ko masananomay a kakaenan, ano minokay to, ota'en ningra a mipakaen to wawa a kakonah.

Awaay ko sapikpik no matayalay a kakonah (工蟻), dengan o fa'inayan ato limecedan a kakonah ko cisapikpikay. Ano maherek a mipalamo ko fafahiyan a kakonah, alaen no mira ko sapikpik ningra. Mapatay ko fa'inayan a kakonah (雄蟻) i herek no pipalamoan.

Malakakaenen, sapaiyo ato sapilisin no tamdaw ko kakonah. Nikaorira, mikari'angay ko kakonah to nipalomaan, micomoday ho i loma' no tamdaw, saka o kalifotan no tamdaw ko kakonah to roma.

O Way-ci-so (外激素) ko sapisasowal no kakonah to kapot. Ano matama no kakonah ko kakaenen, ira aca ko sanek i lalan no pinokayan.