Kero no Pangcah
Kero no Pangcah （阿美族歌舞）
O sakero no Pangcah, saheto o sakino ’alomanay, Awaay ko no tomeked sanay a kero anca tano tireng sanay a miwakawak, matini ko sakero no Pangcah caayay ko hahaenen ko sowalo. O kero hananay i harateng no Pangcah, o radiw ko pitooran a miperok to waay, samaneng ako a miwakawak miniwaniw to tatirengan anosa, itini ko pilitapangan misanga’ to malo tatodong no sakero, ano o fa’inayan to, o fafahiyan to, ano o nano rayray to, ano o aniniay to, saheto onini ko pidoedoan a lekakawa. Saka ira to ko sowal, minanam kako to kero no Pangcah anosa kiso haw i, itini i piperok to wa’ ay ko pisatapang a minanam.
O tada kasasiroma to kero no Pangcah i, itini i kalacecay no piperok, ano pasicowa ko ’ingay, ano masamaan ko ngiha, harakaten tayoen, takarawen paeneren ko radiw, o mikapotay a tamdaw maemin to misalongoc to saka lacecayaw, naw milongoc to saka lacecayaw saw? O faloco’ nangra i ko nanay to rakat tona sakero i, tooren ko kalacecay ato karikec no faloco’. Ano pakaynien i kalakayat masakero no Pangcah, ato wakawak no tatirengan a minengneng, mangaay no mita a mihapinang, itini tona ka ’aloman masakero no Pangcah, “mikayatay hakiya!” onini i todongay to no paytemek to patalahekal to ni faloco’an, “Iraay kako mikapot” sanay, mato o sowal, caayay kanga’ay toor sa tono tireng a faloco’ ko pikayat hananay, itinien i ’alomanay ko piharateng a patalahekal to faloco’ no paytemek.
Itiya ho o matiniay ’alomanay ko masakeroay, ira ko patalomaay, miwangkang to loma’ aca miingkayay, saheto o matiniay ko sakero, o matiniay a kero i, taliyok sa malakayat, ira ko miti’eciwaay lecaden no ’alomanay, anini sato awaay to ma’araw ko matiniay a kero, deng to i kailisinan malikoda ta manengneng ko malakayatay a kero.
Tahapinangan a Tilid (參考文獻)
mikawit- 中文維基百科
- 獻李景崇，1998，《阿美族歷史》，臺北：師大書苑。
- 黄宣衞，2008，《阿美族》，臺北：三民。
- 達西烏拉彎‧畢馬，2001，《臺灣的原住民 : 阿美族》，臺北：臺原。