Lei Huamin sinpu
Lei Huamin sinpu(雷化民神父)
mikawitKa’ilolan ci Lei Huamin sinpu (Franz Leimer SMB,1928-1997)
O nano Switzerland a tamdaw ci Lei Huamin simpu (Franz Leimer SMB), pasowal sa: “O sapiliyas to kalapakoyoc ko kiwiko.” saan. Paka ci Lei kong (Thunder God) han no kaemangay pangangan.
O nano Switzerland a tamdaw ci Lei Huamin simpu, 1928 miheca masofoc i Bitraha no Switzerland kitakit, i 1957 miheca 11 folad nai Genoa minato no Italiya mikalic to tamina, saka tosa miheca saka cecay folad tangasa i minato no Kilong, itira i Sincu Holam kakkoyin minanam to sowal no Holam, nanoya tayni i Kakacawan no Posong a kowan mala simpu no kiwkay no Tinsukiw, saan mala patirengay to pinanaman to katayalan Taytung pasawali katayalan pinanaman congsin (Tungci cesin cungsin) citodongay, pasowal sa ci Lei Huamin simpu: “Dengan o pikiwiko, sakanga’ay no kaemanghay miliyas to kalapakoyoc no ’orip.” saan.
I 1963 miheca, tona misi’ayaw ko Taywan to kacowat no katayalan, nawhani caay ho kanga’ay ko rarakaten no lalan itiya, awaay ko katayalan, miliyas ko tamdamdaw tala roma niyaro’, o sapifalicaw to saka nga’ay no ’orip, dengan o pafeli to pinanaman to saka fana’ to kaira no kicik, mipatomadaw to sakatayal, mitelek patireng to pinanaman, i loma’ ato kiwkay a picokeran, toya miheca fatihian sera no tinsukiw pawsang no Posong, patireng to kicik pinanaman.
Nanoya ikor mihayda ko nipatirengan no Tinsukiw a Kongtung kaukong, o pikapian a pinanaman mapatireng, mihaop to awaayay ko katayalan a kapah, padamso to pinanaman to kicik, i 1965 miheca saka 2 folad, patireng to pinanaman, ’aloman ko yincumin, ato pina a pakoyocan kapah no Payrang, ikor patireng to no mapilihay kapah pinanaman “Ceciang pan”, minanamay to kikay, Dingki, kilang, ’amoto, tosiya pinanam.
Ira ko 3 miheca ko pinanam, patodong to kaen kamaro’, romi’adan tayra ko kaemangay citodongay kaysya minanam, o dadaya ko pitilid, pasifana’ ko singsi to tilid ato nicukaan sifana’, mikongling a kihi payso, sahe to o nai laloma’an ni Lei Huamin sinpu ko padamsoay, ato kiwkay no Switzerland, sa’ayaw pinanaman, matiya o no Switzerland ko pipasifana’an, minanamay tayra i katayalan a kaysya, dadaya o tuilid ko ninanaman ko pasifana’.
I salawinaan ni Lei Huamin sinpu a picoker, i 1966 miheca misadadahal patireng, matongal ko misasayhoay, sakikay a kikay a patodong, awaay ko katayoan pinanam rahoday ko minanamay, I 1983 miheca 1 folad 15 romi’ad, mapakaolah no Taytung siencenfo ci Lei Huamin sinpu, pakaolah t opipatireng ningra to Taytung pasawali katayalan pinanaman congsin (Tungci cesin cungsin), mapalafangcal ko pakoyocay wawa ato mapilihay no yincumin, i 1966 miheca 6 folad ci Lei Huamin sinpu, ciadada ko tireng to fala’, minokay tayra i Switzerland mihanhan to tireng, oya a Taytung pasawali katayalan pinanaman congsin (Tungci cesin cungsin) pafeli han ko Hulien sa’etal kiwkay citodongay.
I 1997 miheca 12 fiolad 24 romi’ad, ci Lei Huamin sinpu mapatay i Switzerland a isingan, ira 69 no mihecaan ningra, o roma’ kitakit a tamdaw ci Lei Huamin sinpu, patahtah pacakat to ’orip to wawa no Posong, o Taytung pasawali katayalan pinanaman congsin (Tungci cesin cungsin) o kalemedan, kahemekan ko nga’ayay, kahemakan ko nidemakan ni Lei Huamin sinpu, tangasa anini, o Tungci cesin cungsin no Posong, oya to padoedo to pinanaman to tayal ko demak, itiniay i Taytung Senmo isingan a pisahalaka, rafas a sera, manga’ay o pidamaan to mato’asay kaitiraan.
I 2019 miheca 4 folad 27 romi’ad, o sona: ni Lei Huamin sinpu ci Thomas padeteng sa a malahakolong to laloma’an tayni nai Switzerland miliso’ to Taywan, halafin ko aro’ no faki i Posong, micohong tayni i Taytung pasawali katayalan pinanaman congsin (Tungci cesin cungsin), pakanengneng to syasin no faki Lei Huamin sinpu ci Thomas mapakafit i Tungci cesin cungsin, tadamapacekil ko faloco’, wata ko kalemed no Taywan a tamdaw, manga’ay aca ira ko nai Switzerland ca Lei Huamin sinpu, ato ci Xi zhiping sinpu (Rev. Jakob Hilber，1917-1985), sa’ayaway patireng to pinanaman to tayal pinanaman pitilidan no Taywan, tada o mahemekan no Taywan a tamdaw a miahowid cangra tatosa.