Liu Yifeng sinpu

Liu Yifeng sinpu (劉一峰神父)

Liu Yifeng sinpu (France: Yves Moal, 1941 miheca 8 folad 5 romi’ad -; ’Amis: Kalas/Liliw), o sofoc itini i Saint pole de leon a Finistère no France. O papotalay tintokay i Paris no Tinsokiw, 1966 miheca misingsi to saka tayni Taywan a mipatado tangasa anini, o sinpu no Tinsokiw no Posko i Kalingko, ato citodongay no Ante Cice congsin. 2017 miheca mapatodong to pihayda ato sakamaro’, mapakilac to no Conghua minko a kacingangan[2][3].

Sofoc (生平)

O nai Tinsokiw laloma’an ci Liu Yifeng sinpu, o saka tosa a wawa no loma’, ira ko kaka ato saka to fafahiyan, fa’inayan. Kasofocan i, o faki a malatintosiay ko mikotayal to mama mipaino’ cingraan, cingangan sa ono faki a ngangan to Yves sanay. Ikor, mitelek ko niyah to saka la sinpuaw tayra i Asiya a faki i, nika saka 2 kalaloodan no hekal mapatay, saka ci Liu Yifeng to ko midotocay to faloco’ no faki, mala tintosi tayni i Asiya a mitinto[4].

Na maherek malasofitay to pisawad ni Liu Yifeng nai Paris daykako no Frace i, micomod i pitilidan no sakala sinpu matayal. I 1966 miheca, misingsi tayra i Taywan patado, mata’elif ko cecay folad ko rakat no tamina, toya miheca 7 folad 14 romi’ad tangasa i Kilong minato[4]. Itira ho i Sincu minanam to Holam a sowal to 2 miheca, nanoya tayra i Posko no Kalingko, mararid mipatado midipot to malacaanay itini Kalingko sa’etal, midama ca Bolia, Pan Shiguang sinpuan to pisanga’ mitilid to citin “’Amis-France citin”, “’Amis-Amilika citin”, “Iwatan-France citin” a tilidan5].

Ante cice congsin (安德啟智中心)

I 1999 miheca, midotoc ci Liu Yifeng sinpu to nai ci Gu Chaoqian sinpuan to nipatirengan ningra a syakay sakalemed citodongay-“Ante cice congsin”, onini a citodongay pakayni pidama katayalan ato milidong to kinaira, caay kasasiiked to pakayraan mararid padipot to sa’etal no Kalingko Posong a malacaanay tamdaw, maliwadiway tamdaw, ato misawadan midipot a papatadoen a finawlan, midemak to no tamdawan patado. I tinsokiw no Posko misolimetay to matelangay ohong ato misafa’eloh to pinengneng a rawang, misolimet to Ticito kinaira i Posong no Kalingko, mipalenak to syako pinengnengan to tilid[6].

Nahani i ’ayaw no nika patay ni Gu Chaoqian sinpu i, iraay to ko nisafaloco’an ningra to sapi patirengaw to masamo’ay tamdaw a pakamaro’an, nanay ira ko kanga’ayan no masamo’ay tamdaw to sakito’as saan saka. Ikor ci Liu Yifeng sinpu to ko midotocay t osapipatireng tonini a Ante cice congsin, mata’elif ko 10 mihecaan a pipasasa saka, itini to i 2019 miheca 4 folad 3 romi’ad ko pilesasikian to “Ante yifong yin”, sepatay ira ko pangkiw no tingroh kina loma’, ira ko 50 kafoti’an ato piyatayatan, lafinay pidipotan, ano nengnengen manga’ay mapakamaro’ to 100 ko tamdaw to masamo’ay. Itiya pilesasikian a romi’ad matahidang ko micokeray to congtong ci Chen Jianren ato micokeray pakingking a tamdaw to patodongan a midemak[7][8].

O pipakaolah a tamohong (獲獎及榮譽)

2015 miheca, mapakaolah to saka 8 lekad “Congtong ponka kompay” tamdawan kompay no Conghua ponka Sokay[9].

2015 miheca 12 folad 21 romi’ad, mapatodong no congtongfo to taloay selal to kaliyalaway a pafo’isan a tamohang[10].

2016 miheca, mapafeli no “Cangtanghocin Hosen (Health and Welfare) kikingkay/ Lifayin Hosen (Health and Welfare) kay pahofi i saka 26 lekad “Isingan pacakat kompay-tekedan isingan pacakat kompay” [1][6].

2019 miheca, pakalayap to “Kang Au Taywan nga’ayay kikingkay” pafeli to saka 14 lekad “Ciolahay kompay” [11].

2022 miheca, pakalayap to “Caytang hocing kanga’ayan pahosoay kikingkay” pafeli to saka 4 lekad “Taywan nga’ayay demak kompay” [11].

Pinengnengan to tilid. (參考資料)

1.劉一峰神父在臺50年 比臺灣人更愛臺灣. 財團法人厚生基金會. [2020-02-04]. （原始內容存檔於2020-02-04）.

2.奉獻台灣逾50年 劉一峰領身分證：新娘是中華民國. 自由時報. 2017-04-27 [2020-02-04]. （原始內容存檔於2020-02-04）.

3.領到台灣身分證 劉一峰神父：別再叫我「阿兜仔」. 民報. 2017-04-27 [2020-02-04]. （原始內容存檔於2020-02-04）.

4.玉里的法國爸爸劉一峰神父 把憨兒當寶. 中國時報. 2019-06-10 [2020-02-04]. （原始內容存檔於2020-02-04）.

5.捨母愛來台超過53年、精通原住民語言，法國神父劉一峰奉獻台灣創造大愛. 今週刊. 2019-07-30 [2020-02-04]. （原始內容存檔於2020-03-09）.

6.【醫療奉獻獎】劉一峰 能多幫一個人是他最大的快樂. 聯合報. 2016-09-21 [2020-02-04]. （原始內容存檔於2020-02-04）.

7.神父爸爸籌建10多年 安德怡峰園啟用顧老憨兒. 聯合報. 2019-04-04 [2020-02-04]. （原始內容存檔於2020-02-04）.

8.斥資破億全額民間資助 安德怡峰園如期啟用. 中國時報. 2019-04-04 [2020-02-04]. （原始內容存檔於2020-02-04）.

9.第八屆總統文化獎. 中華民國文化總會. [2020-02-04]. （原始內容存檔於2020-02-24）.

10.總統令-授與榮典. 中華民國總統府. [2020-02-04]. （原始內容存檔於2020-02-04）.

11.第14届‧2019“爱心奖”6位得奖人揭晓. 新浪網. 2019-08-27 [2020-02-04]. （原始內容存檔於2019-09-27