Midateng

Takaray a sowal 概要

o tadamaolahay komaen to masamaamaanay a sinafel ko 'Amis, saka, ano tayra i palapalaan, i omahomahan, i lotolotokan matayal, i ayaw no ponokayan i, caay piparateng sa midateng to sinafel, adihay i pala lengaw sanay, ano o maan ko pinadateng, polong han mipacamol a misafel, o sa aleretay a kaenen ko sakalafi'.

midateng 採野菜

itiya ho ko mapakoyoc ko 'orip no Yancomin, o sinafel aca ko dateng, awa ko payso sapi'aca to paliwalan no Payrang a dateng, caay paka'aca to titi' ato foting, saka, o mato'asay to, o wawa to, ano i palapalaan lengaw sanay a sinafel i, midateng to malodateng no loma', o malalokay a tamdaw i, romi'ami'ad sa tayra i palapalaan mikilim to sinafel, ira ko pafeli'an no Kawas kita to safangcalay a sinafel.

I riyar海邊採集

I ‘orip no itinay pasawali a Pangcah i, o pitaro’an nangra koni pariyaran, ano ira ko manmaan ademakan no niyaro’, ano o piilisinan, o patalomaay, o cipadesay a loma’ i, milekal to mitahidang to kasaselal ato focingkay, itini aca i riyar cangra a mipacing, micekiw, mifoting, sapakaen to polong no finawlan a salikaka. Ira ko sowal no Pangcah, o pinsing niyam ko riyar saan, saka, ano sakakomaenan to foting, cekiw, masamaanay rengos noriyar, ‘aowang, solita, adihay ko kakaenen I riyar.