Mipalasawad to polong masafacoay pisakakinih to fafahiyan a kakaketonan
“Mipalasawad to polong masafacoay pisakakinih to fafahiyan a kakaketonan”
（英語：The Convention on the Elimination of all Forms of Discrimination Against Women，CEDAW）
mikawit Sakacecay:Tatodong no Pisakakinih (歧視的定義)
O “pisakakinih to fafahiyan” sanay a sowal tona kakaketonan o masamaamaanay a pisasiroma, piwanik ato pitolas koni toro’an, o pisiwar ato pipatosokan nonini i, ma’edengay a mitena’ ano ca mihakeno to sakafana’aw, sapi’isalaw ano ca sapidemakaw to sieci, kicay, syakay, ponka,finawlan ato roma a Salongoc no kalatamdaw ato katomiregan no paifaloco’ay no ciramoday ato ano caay ho kaciramod a fafahiyan to nilalen no fainayan ato fafahiyan.
Sakatosa:Palasawad to pisakakinih (消除歧視)
O matatiliday tona kakaketonan a kasakitakit,masacecay ko pilanang to masamaanay to pisakakinih to fafahiyan, tangsolen a midemak ko matatodongay halaka, micikeroh to hadademaken, palahedaw to pisakakinih to fafahiyan. O sapilaheciaw toni a patosokan, alamidemak to:
a. Ano caay ho ka paro i “Tatapangan Rikec no Kitakit” ko kalalen no fa’inayan ato fafahiyan, karamkamen a pacomod, o rikec ato roma a matatodongay tayal ko sapilaheci tonini a lekakawa;
b. Misanga’ to rikec ato roma a demak, mahaop ko pisa’et toya romi’ad, mitaker to ’emin a pisakakinih to fafahiyan;
c. Patireng to malalenay salongoc no fa’inayan ato fafahiyan a sapa’ading rikec, o citodongay to pisawkit ato roma a kapolongan kowanno sifo ko mamidemak tonini, midopo/ mitared(保證)to so’elinay pipa’ading to fafahiyan saka ca ka cipades to masamaanaanay a sakakinih;
d. Cowa to ka pidemak to masamaamaanay a pisakakinih to fafahiyan a tayal ato demak, o demak no sifo ato kapolongan kowan midopo to caay ka pifelih tona demak;
e. Lahecien a mitayal ko matatodongay a kalodemak to sapipalasawadaw to pisakakinih to fahahiyan no kalotamdaw, saopo ato tata’angay katayalan.
f. Lahecien a mitayal ko matatodongay a kalodemak mahaop ko pisanga’ to rikec, misalof ano ca mipalsawad to aniniay a misakakinihay rikec, lekakawa, pinangan ato tinakoan;
g. Palasawaden ko i nisefelay-rikec(刑法) no kitakit to nisakakinihay to fafahiyan a ’emin nisetekan.
Sakatolo:Tatapangan Salongoc ato Tatapangan Naifaloco’an(基本權利和基本自由)
Lahecien no makaketonay kitakit ko picapopo to polong a kasaetal, pacideken itini i sieci, syakay, sak’orip, ponka, demaken ko ’emin a matatodongay a hadademaken mahaop ko misanga’ to rikec, mitared to sakapatahtah a cemahad ato macakat ko fafahiyan, o patosokan nonini i,o sapipalaheciaw to katomirengan i kasalalen ato fa’inayan midemak,mikilac to salongoca no kalatamdaw ato tatapangan naifaloco’an.
sakasepat:Mitayal to cidekay a dadademaken(採取特別措施)
1. Lahecien no makaketonay kitakit ko pidemak a micaloh a palaheci ko pacarcaray a lekakawa to kalalen no fafahiyan ato fa’inayan. Ona lekakawa cow akoya nitoro’an tonian kakaketonan a pisakakinih, aka ka malaparariday a kakinih ato kasasirom a patosokan; yo malaheci to ko kalalen no talikeda ato pidipot no fa’inayan ato fafahiyan, palasawaden konini a lekakawa.
2. O sapipa’adingaw to winaay a pinangan a nitayalan a cidekay lekakawa no makaketonay kitakit, cowa ko misakakinihay.
Sakalima:Oya makakafitay i tiring a kasasirom sanay a masa’alitaday harateng ato makakinihay pinengneng(有關性別角色的陳規定型觀念和偏見)
Lahecien no makaketonay kitakit midemak ko polong a matatodongay lekakawa:
a. falicen kono syakay ato ponka a pinangan no fafahiyan ato fa’inayan, ta mafalic ko misakakaay ato misafayay a harateng ano ca oya masalalekoay tayal no fa’inayan ato fafahiyan sanay a sakkinih, pinangan ato roma a ’emin a demak;
b. mitared to pipasifana’ no loma’ mihaop to mi’ecelay ko kafana’ to kasasitekelokelo no wina ato kapolongan a tayal no mama ato wina ko pipa’orip ato pipasifana’ to wawa, ano ira to ko masamaanay a demak i’ayawen ko hahor no wawa.
Sakaenem:O makakafitay ato mipa’acaay to fafahiyan ato misakemotay a mikali’angay to rikec a lafo(與販賣婦女和賣淫有關的違法犯罪)
Lahecien no makaketonay kitakit midemak ko polong a matatodongay lekakawa, mahaop ko pisanga’ to rikec to sapitakeraw to ’emin a faco no mali’acaay ato papisakemotay to fafahiyan to sakaci’epoc a demak.
Sakapito:Cisalongoc no sinkiw i kalosinkiw, mikapot ato sifo a misanga’ to dademaken lekakawa ato mikapot to caay kono sifoay a kasawasil ko fafahiyan(婦女在所有選舉中擁有選舉權以及參與政府的政策制訂和參加非政府組織)
Lahecien no makaketonay kitakit midemak ko polong matatodongay tayal, mipalahedaw to pisakakinih to fafahiyan i sieci ato kapolongan ’orip mitared to kalalen no fa’inayan ato fafahiyan:
a. ira ko salongoc no fafahiyan masinkiw i kapolongan sinkiw ato pitopa no finawlan,
b. mikapot ato sifo a misanga’ mitayal to dademaken lekakawa, matayal heca to polong a kasasa’eran tayal no sifo,
c. Mikapot to makakafitay i kapolongan ato no sieciay a ’orip no caay kono sifoay a saopo ato kasawasil.
Sakafalo:Niocoran salongoc i kasakitakit(國際上的代表權)
Lahecien no makaketonay kitakit midemak ko polong matatodongay tayal, mitared to kalalen no fa’inayan ato fafahiyan caay ka sakakinih,ira ko talikeda malaniocoran no sifo mikapot to tayal no kasakitakit a saopo.
Sakasiwa:Kika no Kitakita(國籍權)
1. Lahecien no makaketonay kitakit midemak ko malalenay salongoc to piala,pifalic ano ca miosaw to kika no kitakit ko fa’inayan ato fafahiyan.
Lahecien no makaketonay kitakit ko pitared,ano mararamod ato roma a kitakit a tamdaw ano ca i kararamodan mifalic ko fa’inay cowa ko mamafalic kono fafahi a kika no kitakit,mapalahedaw ano ca mapaci’eci a pakafit to kika no kitkit no fa’inay.
2. Laheciaen no makaketonay kitakit a pafeli ko malalenay salongoc to fa’inayan ato fafahiyan to pakayniay i kika no kitakit a demak.
Sakamo’etep Salongoc no pasifana’ ato pikonlin, mahaop ko sapikapot to onto ato misahalaka to sakaciwawa a fana’ a salongoc(教育和培訓權利，包括參加體育和獲取計畫生育知識的權利)
Lahecien no makaketonay kitakit midemak ko polong matatodongay tayal to sapipalahedaw to pisakakinih to fafahiyan, patared to fafahiyan cikilac to malalenay a salongoc i pipasifana’an, mipatared to fa’inayan ato fafahiyan i :
a. I kasasiromaroma a sakowan no kiwiku,i misatokayay to i niyaro’ to malalen ko kacitodong i cidekay-taneng,pidama to sakatayal, minananam ato ato piala to kompay. I’ayaway no pitilidan,kalopitilidan, kacitatodong,cidekay-taneng ato ikakaay kacitaneng a kiwiku ato masasiromaromay a pikonlinangan to sakatayal malaheci a mapatared ko matiniay a kalalen;
b. o patosokan no sapasifana’,salifet, kacitodongan no singsi,pitlidan ato kakoc ato hacowa no dafong malalen a malecad;
c. o sapipalasawadaw to masamaanay a masalalekoay harateng i kasasa’er ato kasasiromaroma a pipasifana’an to tayal no fa’inayan ato fafahiyan,lahecien ko pipa’icel to palacafay no fa’inayan ato fafahiyan mitilid,ato mipadangay milaheci tonini patosokan no pasifan’,sacideken a milaheci ko pisanga’ to sapasifana’ tilid ato matatodongay sapasifana’;
d. malecad ko pilayap to sap’icel a payso no sifo ato roma a padahof no sifo to sapikinkiw payso;
e. ono malitengay kiwiku marapot kono sakafana’ to tilid ato mi’asipay ato mitiliday taneng malecad ko kacitalikeda, mapacidek ko nikacaloh a misakamoko’ to kalala’edan no fa’inayan ato fafahiyan i kiwiku.
f. milowan to (misatociway) ifataday ko pisawad no fafahiyan a mitiliday, patalaen ko kasasiromaroma a dademaken to sapaini to pali’ayaway ko pisawad a mitilid a kaying ato fafahiyan;
g. malecad ko talikeda a misarocod mikapot to ma’aiseday ato miyatayat;
h. ira ko talikeda a milayap to mitomadaway a milayap to sakacicidekay a fana’,ta mapalaheci ko pipa’ading to katanektek ato rihaday no loma’, mahaop ko pali’ayaway misahalaka to maciwawa a fana’ ato tomadaw.
Sakacecay safaw:Cikilac to salongoc no katayalan, sadipot no syakay ato mipadangay a midama mahaop ko sapidipot a dafong(享有工作、社會保障和輔助性社會服務包括保育設施的權利)
1. Lahecien no makaketonay kitakit midemak ko ’emin a dadademaken to sapipalahedaw to pisakakinih to fafahiyan i katayalan, ta matared to ko kacikilac to malecaday salongoc, macidekay ko:
a. cimacima to a tamdaw ira ko cowa mama’afas a sakatayal salongoc;
b. cikilac to malecaday a salongoc to sakatayal a talikedaan, mahaop ko kalalen no nipiri’ a miala a lalekoan;
c. cikilac to naifaloco’ay a pisimsim to cidekay tayal ato demak, mipacakat ato pi’ading to katayalan, o ’emin a pidemak to sakarihaday ato sakatayal, milayap to pitomadaw ato sapacakataw to tayal, mahaop ko salongoc to mihatatanam pakonlin,ikakaay tayal a pihatatanam ato kaloladay a pikonlin;
d. masananawiray ko ’epoc a tayal cikilac to mananawiray a lifon, mahaop ko salongoc no sakarihaday ato malalenay demak, yo mamisawkit to nitayalan mananawir to ko kacisalongoc to malalenay demak;
e. cikilac to sapa’ading no syakay a salongoc, masateked i pisawadan matayal, kaawaan no tayal, adada,masamo’ ko tireng ato maliteng ato ca malahedaw ko ’icel a matayal, cikilac heca to cilifonay a pahanhan;
f. itini i katayalan cikilac to sakatanektek ato sapa’ading no syakay, mahaop ko salongoc to sapa’ading to sakaciwawa.
2. O sakacaayaw ka sakakinih ko fafahiyan yo mararamod ano ca ciwawa, mipa’ading to kaciheci no katayalan salongoc, o makaketonay kitakit lahecien ko pidemak to matatodongay demak:
a. milalang to papisawad to nika citiyad ano ca pahanhan i kaciwawaan, ato o nika raramodan ko pi’arawan a miskakinih a papisawad to tayal, o misakemotay toni a makaketonay kitakit patefocen;
b. midemak to cilifonay a nikasofocan pahanhan ano ca o mananawiray a sakrihaday no syakay a nika, sofocan pahanhan, cowa ko mamalahedaw ko tayal,kanawan ato sapakaolah;
c. pa’icel to mipafeliay to sapadang a tayal, masateked i mipatireng ato mipacemahad to yociin a kadado’edoan no tayal,ta manga’ay ko ciwawaay patokeled tono loma’ ato katayalan mikapot to kapolongan demak;
d. o matayalay i midoka’ay to tireng a cipoyapoyay fafahiyan, pafelien to micidekay a pipa’ading.
3. Lahecien ko pido’edo to sakakaay taneng a fana’, i nipatonekan a romi'ad mihapinangan to mamakafitay tona rikec to pipa’adingan, ano ira ko mifelihay tona rikec lahecien ko pisalof,palasawad ato pipatenak.
Sakatosa safaw:Salongoc no Cinpaoka(保健的權利)
1. Lahecien no makaketonay kitakit midemak ko matatodongay demak to pipalahedaw to fafahiyan i kapolongan-paising to cinpaoka, patareden canira to pakaala to masamaanay a sakaciwawa a halaka to cinpaoka sakatayal.
2. Talacowa ira ko pirikec i sakacecay tosir nona Satoko, lahecien no makaketonay kitakit mipatared paini to citiyaday, masofocay ato pahanhanay nikasofoean to matatodongay a tayal, ca ko papaysoen, patared heca i kacitiyadan ato pipacocoan midipot mapafeli to patahtahay a tadamaanay kaen.
Sakatolo safaw:Salongoc no laloma’an milayap to sapatiyap payso,salongoc no mikiyam ato salongoc to mikihatiya to lawla ato laday ’orip a ponka(領取家屬津貼的權利、獲得信貸的權利和參與娛樂活動和文化生活的權利)
Lahecien no makaketonay kitakit midemak ko matatodongay tayal to sapipalhedaw to pisakakinih to fafahiyan i pili’etan ato ladayyay ’orip no syakay, patareden canira to kalalen no fa’inayan ato fafahiyan a malecaday salongoc, mangalefay i :
a. salongoc no laloma’an milayap to sapatiyap a payso;
b. salongoc no laloma,an micaliw to payso i kinko,patanpo ato romaroma a picaliw;
c. salongoc no pikapot to lawla,onto ato kasasiromaroma no ladayay ’orip no ponka.
Sakasepat safaw:Salongoc no i niyaro’ay a maomahay fafahiyan(農村婦女的權利)
1. Lahecien no makaketonay kitakit ko piharaten to i niyaro’ay a maomahay fafahiyan to pisi’ayaw to micidekay a karorayan demak ato saka’orip, mangalefay i cowa kono misanga’ay to dafong a tayal ko kaci’icel nangra, orasaka lahecien ko pidemak to matatodongay a tayal to pipa’ading toni setekan tona kakaketonan a kalosarikec.
2. Lahecien no makaketonay kitakit ko pidemak to matatodongay a tayal to sapipalsawadaw to pisakakinih to i niyaro’ay maomahay fafahiyan, patareden ko kalalen no fa’inayan ato fafahiyan mikapot to sakacemahad no niyaro’ a tayal mikilac heca to kaci’epocan, patosi’aya patared to sakacisalongoc to :
a. mikihatiya to misanga’ ato midemak to kasasiromaroma sa’er a halaka no sakacemahad;
b. mira’oy to patahtahay a dafong no cinpaoka, mahaop ko fana’, mitomadaw ato tayal no misahalaka to sakaciwawaw;
c. tangsol sa milayap to kaci’epocan nani sapa’ading no syakay;
d. milayap to masasiromaromaay a so’elinay ato cowa ko so’elinay a pikonlin ato pasifana’, mahaop ko malaheciay ko kafana’ miasip ato mitilid a pikonlin ato pasifana’, cikilac to ’emin a maci’epoc no katayal sakisyaku ato patenakay tayal, a mipacakat to tadakaysa a taneng no tayal;
e. mikomod a patireng to niyah kasawasil ato patomaliway saopo, matayal ato niyah a katayalan mipecoh to malalenay a sakacakat a talikeda;
f. mikihatiya to ’emin a demak no syaku;
g. ira ko talikeda a pakaala to picaliw to payso sakiliomah,ra’oyen ko dafong no pipaliwalan ta maala ko tatodongay a sakatayal taneng, milolol to sera ato pipamatang to sera a halaka cikilac to malalenay sapaini;
h. cikilac to matatodongay a saka’orip, mangalef i kamaro’an, sak’orip,nanom ato dingki, micolo’ay ato paratohan.
Sakalima safaw：Cikilac ko fafahiyan to malalenay salongoc i ka’ayaw no rikec ato demak no finawlan ato paifaloco’ay(在法律面前和公民事務中以及行動自由方面婦女享有平等的權利)
1.Lahecien no makaketonay kitakit ko paini to fa’inayan ato fafahiyan to kalalen no tireng i ka’ayaw no rikec.
2.Lahecien no makaketonay kitakit to malalenay sakirikec a ’icel ato ira ko malecaday talikeda midemak tonini a sakirikec a ’icel i demak no finawlan.micidek a milaheci paini to fafahiyan to malalenay salongoc imatatilid to katatelekan ato mitomadaw to dafong, i pisawkitan ato pakokotan i kasasa’eran mapaini to malalenay demak.
3.Mihayda ko makaketonay kitakit toya mitolasay to sakirikec a ’icel no fafahiyan a ’emin katatelekan ato ci’icelay tono rikec no kalotamdaw a nitilidan, lahecien palacecay a pakafayo’.
4.O makaketonay kitakit itini i rikec ko kalinah ato paifalo’ay a misimsim to kamaro’an, lahecien ko paini to malalenay salongoc.
Sakaenem safaw O laloma’an rikec, raramod ato misowac to wawa do’edoen ko “ finawlan rikec” matatelek to kararamod(家庭法、婚姻和對子女的監護權根據《民法》締結婚姻)
1. Lahecien no makaketonay kitakit midemak ko matatodongay tayal, mipalasawad ko pisakakinih to fafahiyan i makakafitay to ramod ato loma’ a ’emin demak, cideken heca ko pilaheci a patared to fafahiyan i kalalen no fa’inayan ato fafahiyan i :
a.ira ko malecaday salongoc matatelek to ramod;
b.ira ko malecaday a paifaloco’ a misimsim to hararamod, ato salongoc to pina’ay matatelek to hararamod ano caay kono niyah a paifaloco’ay harateng, cowa ka pihayi a mararamod;
c.yo kararamodan ato kalacinowasan malecad ira ko malalenay salongoc ato hatayal;
d.ano masamaan to ko kararamod, pakayni to demak no wawa, malecad ira ko malalenay salongoc ato hatayal. Nikawria ano masamaaman to o kaci’epocan no wawa ko sakakaay demak;
e.ira ko malecaday a salongoc a paifaloco’ citatodong mipasetek to hacowa ko wawa ato kalala’ed no sofoc, ira heca ko sakatayal tonini salongoc a fana’ kiwiku ato sakatayal telek;
f.itira i misowac, misimow,patorod ato misawawaan ano ca mirini’ay a faco no demak,ano ira ko matini’ay a harateng a rikec no kitakit todongay iraay ko malecaday a salongoc ato hatayal. Ano masamaaman to o kaci’epocan no wawa ko sakakaay demak;
g.ira ko malecaday a salongoc no tiring ko mararamoday, mahaop ko pipili’ to ngangan, cidekay tayal ato kalotayal a salongoc;
h.ano cima to no raramod ira ko malecaday a salongoc to pitatoy, piala, pidemak, pikomod,pikilac, piraoy, ano macowa to o cowa ko nipapaysoan ano ca mialaay to li’etan.
2.O ka’emangay ho a patapag to sakararamod ato mararamod cowa ka laheci i rikec, lahecien a midemak ko masamaanay tayal ga’ mahaop ko pisanga’ to rikec,tatelek to sasafaay a mihecaan to kararamodan, tatelek heca mararamod caay ka ca mitoki i so’elinay sakowan.