Misaselal

Misaselal (成年禮)

Masaselal Itini I niyaro’no’amis^I,ira ko kasaselal no fa'inayan a ma^min.masacfacfang a masacecay a kapot ko kasalima lima a mihecaan.o sasafaay a selal^I o pakarongay hananay,ma^deng safaw lima,safaw ^nem,safaw pito,safaw falo,safaw siwa ko mihecaan nangra. O kaka nonini^I,tosa a polo’,ira ko cecay,tosa, tolo,spat ko mihecaan i o kapah hananay ko nini a selal. Mapangangan ko kahacecaycecay no selal. Saka,a mafana a ma^min ko fainayan to nika o maan a selalan kako sanay.

O selal no mama nangan ko malama mama noya sasafaay a selal. Cingra ko pacifana’ay to nga’ayay a demak to sakacingodoaw no safasafa to kakakaka a tamdaw ato sakangodoaw to mato’asay a tamdaw.saka, matiya o mama nangra ko to’as no papasifana’I cangranan a mama no selal. Mipili’ ko kakomodan to fangcalay a tamdaw, masasinutay ko demak,o citanengay a matayal to mamala mama no selal.saka,mamala singsi noya wawa tangasa i kapatayan nira koya mama.

Mahaenay ko sakapinanam no wawa a matayal to tayal no niyaro’. Ano cima koya wawa caay ka tatodong ko demak^i,oya mama ko papasowalay I mama noya wawa to sakafana’aw noya mama a palatamdaw to wawa nira. Saka,tosa ko singsi no fa’inayan a wawa;o mama no tireng ato mama no selal. O ina a cecay ko mala singsiay no fafaiyan a wawa.

Ano ira ko cara no finawlan^i,masadak a ma^min ko kasaselal. Itiya^i,patdo caay ka saan a micamol i ro’ma a selal a mikapot. Ano mihaen kiso^i,o mamatfoc kiso no selal.no miso.saka,caay ko a simaanen iso ko demak a misafokilfokil to selal iso. Lima a mihecaan ira a masadak ko fa^lohay a selal. Saka,ano pasowal ko mama ano^ca’i o faki i wawa to sapisaselal nira^i,itiyato cingra a micomod. Ta mapolong cangra a mapatireng a mala sasafa’ay a fa^lohay a pakarongay a selal.o mamatayal a maocor no kakakaka ato mato’asay a selal cangra.saka adihay ko tayal nangra. Itini a minanam cangra to tatayalen a ma^min. Ano o maan ko niocoran no kakakaka ato mato’asay a tatayalen^i,lowaden nangra a ma^min a milaheci. Itini a mi’ikes a paki^mel to faloco’ nangra a pakacitangren. Ano makapah a manga’ay ato malalok konini a pakarongay^i, o mamapangangang cangra to fangcalay a ngangan. Nikawrira ,ano caay ka tatodong ka demak nangra a tapalen no kakakaka ato mato’asay^i, o mamapangangan cangra to kaka-ngodoan a ngangan.

Caay ko papaculi to kakakaka ko safasafa’ay a tamdaw. Mangalef ko nika pisanga’ay to demak I saki mato’asay. Ano ira ko cara no finawlan^I,mapahapinang I niyaro’ no pioyoy no mioyoyay ko sowal. O maan a selal ko masadakay a macara a saan. Ano mimingay a tatayalen^i, cecay tosa a saselalan ko mamacara. Ano tata’angay a tatayalen^i,mapolong ko kasaselal a masadak a macara. O kakomodan no niyaro’ ato kociw no kasakowan ato mama no selal ko masasowalay to malo tatayalen no finawlan .mapatorod nonini a milautay ko mamioyoy a palatoh i finawlan.saka,maratar cingra to dafak a mioyoy.onini ko sakafana’ no finawlan to nika o maan ko tatayalen no niyalo’ anini.

Nikawrira, to romi’ami’ad^i,caay ka^ca ira ko kacacorocorok no mato’asay a selal a macara a maro,isfi. O tatodong no mamisimaw to niyaro’ tona malingad a ma^min ko finawlan a matayal i omah.saka.caay ka nga’ay a awa ko mamisimaway to niyaro’.

O hatiniay a tatayalen i paocorohanto ko sasafaay a selal to hatiniay a demak.saka, mahangnay ko misaselalay no amis a demak hananay.