Misirumut sapinang o suwal no Pangcah

Misirumut sapinang o suwal no Pangcah Kina Pangcah hananayi, o naytiniyaay a tamdaw o taywan,siwa' kina ngangasawan no Pangcah hananayi, satataakay a nika saniyaro' asa Pangcah. O tamdaw no heni iri, makasabaw tu spat a emang,o aro' no heni iri, itinia:min i saamisan tuwa tangasa itini satimulan. InaPancah hananayi, pihaceng ko nika debungan no napayrang a misumuwad ko nisimsim, maratar ko heni a mabana' to niyan sapaan'ip hananay atu niyan sakamawmah a misatukus hananay a demak. Ira kuyu nika tala lutuk nuheny a miadup to aadupen, yu tala lutuki,midateng, anu tala liyal a mirengus ,itini alo' mibuting, mahaen ko saka orip no heni. Unu kakawawsan a demak no heni i,tusa kya micid:kay a kakawaw, cacay satui, onu ina ko tatudungan no heni iri, sipangangan ko heni iri, alaen ko tangal no ina amisanga' to ngangan, makumud amin no inaan a lalabu' no luma' a maorip. O kakawaw no heni to demak hananay, ono ina ko ririden no heni, ni riridan no ina ko heni a mitudung to sademaken to tu:ud, irasisa babahi hananay itini i lalabu no luma' hananayi, oyaan o mala tatapangan, nanay o kakawaw nina lalabu no luma'. Skatusa satu iri, ira kuyu mihecaan nika sariked no heni to dademaken sipakayni mihecaan koyu tatudungan. O babainay iri, u tangasaantu ko sepet nika orip masakapah, sipakayni i sakakaay koyo pasebana' to kakawaw hananay a riked no heni. Anu itinitu i nobinawlan a kakawaw o demak aca, ruma to dademaken hananay sipakyni aca i sakakaay, o sakakaay hananay o satuasay kuyu tatengilen, kabanaan ko yaan a suwal no mama sakakaay paturtuy to saba', haenen ko nika dademak no heni to sapilimu'ut to dademaken. Sipakayni no Pangcah lalabu' no luma' hananayi, kumudkumud sananay a mapulung to dademaken ato iniyan satayal to niyan kakawawto noheni kakanglayay a demak, kumuden amin no heni. Ini lisin no lumaluma'an iri, maualah ko heni baluma' to icep, o apalu, uniyan kamaya, o kyabes, o makaen no lalabu no luma'. Irasisa iniyanhanto o caayay kalecad a kakawaw nina Pangcah hananay, o kakasapinangan ko nika caykalecad ato niyan kalaw tamtamdaw. Ona Pangcah hananay, maulah itini to caayay ka sumuwad no yaayaanay a kitakit. Ona Pancaah hananay, mingata midudu to yaan no caayhen kaw nisumuwadan, mingata to paoripay to heniyan a nisangaan, o sananaysisa maolah kuheni to mahiniyay caayay kawni sumuwadan, oyuho yaayaanay henay a kitakit. O mihecaan iri, adihay kiniyan nipisakakawaw no heni to lisin amibaung to paoripay, sikakawaw kuheni tuyu paluma', irakuyu miketep tonika adihay noheni nipaketepan, iniyan a miadup a mibuting numasakapahay a lisin talatuas sananay. O mamelamelawawy a nikadademak no heni a kakawawi, iniyan kyaru o hadihay ko niketpan, namiketep sananay a lisin, tangasa anini mamelaw no mitai, limuutun:henay no heni atangsa itini i wawa kusubana to matiniyay to mihemiehcaan mamelawto no mita kunika silisin noheni to mahiniyay o nipiketep hananay a niyaniyaro'. Yu makina misalisintu kuheni irir, tulutulu a rumiadi, tangatangsa i sakapitu a rumiad a maherek. Yu malingatu satuiri, tala lutuk ko ruma, tuwa tala liyal ko ruma a nika nanuwang no kapah no niyaro' a silisin,sikakawaw to tataa:kay a nika lecapo'. Ina Pangcah hananayi, yu malecapo'toway misatataak a mimelaw to matuasay atoyu kilemelay a misimsim, ato mabanaay a mikeru'. ira kya ta:ducusducus to iniyan o kero' hananay, kyanca o kalaw rimurimuratu nasaan kita a mimelaw tinademak iri, arawsaan itira ira kuyu tulun o subana' hananay i tini mahiniyay a makalecao' no heni, ira ko pasubana' adi:hay kiniyan o saka sidepoc sananay a nika lecapo' no heni. Irasisa to mihecaani, oyaankyaro o lalimo:ten no heni a lisin ko matiniyay. Misatatapangan nanay ko heni to niya no sakaorip no heni hananay, sakaitni nokakawasan a tenten hananay. O matiniyay satu no heni a kakawaw itini no Pangcah hananay, oyuno sakacaay karupisak kasumuwad ko cenfel no demak sananay. Mala Pangcah hanany a tamdawi manga:ay to labang, masakaola:han a cabayen, caypisa tatatata:ak ko inikaorip caytu pisaoyaoyaan, cayka sikakawaw toyo misasumusumuwad tuniya nika nanuwang ko Pangcah anu mamaan ko tiyad nisimsimman mahaaensa. Iniyan hananay iri, kabanaen ko nika awaay ko niumuwadan itiyaday ni heni a kakawaw, awaay ko nidumuwadan hanay mahaenay kyro o yaya:antu a caayay ka sumuwad caycaw ninananuwangan a kitakid. Anusuwalen kina kakawaw no Pangcah hananayi, mahana:min kawsa ko maoripay anini amisimsim tina Pangcah hananay saykasitatudung toyu nipakalas to demak, cakasitatudung tuyu misauyauyaan misumuwad to kakawaw, irasisa kakawlahan na:min no maoripay inyan a misimsim no heni, irasisa sakakapah nina tamdaw nusa kitai, sulinay ira kuyu sipakayni pakatatapangan no cudata kakawaw asaan iri, anu sipakayni no tamdawn anusaan iri, o mamela:wan kina kulit nina Pangcah hananay.