Nikapolongan tadamaanay ci Huang Zhaokai piheratengay a lihay

Nikapolongan tadamaanay ci Huang Zhaokai piheratengay a lihay (民主戰將黃昭凱追思禮拜)

Nikapolongan tadamaanay ci Huang Zhaokai mapatay i 6/15 piheratengay a lihay, congtong ci Lay Cingte citodong pipadongosan a kacingangan no kakeridan. (民主戰將黃昭凱逝世 6/15追思禮拜、總統賴清德任治喪榮譽主委)

2024/06/05 13:41 (Singpon paratohay ci Hong roycin/Taynan ratoh〔記者洪瑞琴／台南報導〕)

Da’oc no ’orip mikinafalahay to saki nikapolongan no taywan a onto ci Huang Zhaokai o Kokomindayhiw ci Huang Zhaokai itini i 6/1 miliyas to hekal mapatay, kasa rekad no tamdaw ma’ilol to saki Taywan nikapolongan a ci mikinafalahay, mapapolong patireng to padongosay a wiyinhuy, nai congtong ci Lay Cingte citodongay malakakeridan, Taynansi siciw ci Huang Weizhe ci todong to midemakay kakeridan, mapolong midama to sakipadongos a demak.

Saka pipadongios maketong i 6/9 midemak to mipatelian ato pitodohan, itiya o no Mincintang a fayfay ko sapi tahepo, roma romi’ad 6/15 midemak to pihiratengan a lihay, saka nga’ay no icowacowaay mapolong mihirateng ato padongos to nian pali’ayaway to saki Taywan nikapolongan a tamdaw.

Ci Huang Zhaokai masofoc i 1942 mihecaan, o Taynansi a tamdaw, nano saka 2, 3 rekad a komindayhiw, ’ayaw mikihatiyaay to papotalay no tang ko demak, nai papotalay tang a piliyang, mincintang patireng tangasa Taywan nikapolongan syakay, mida’oc ko ’orip to saki kasa nikapolongan caay ka ci awaayay ningra mikihatiya. Ramasato, ci Huang Zhaokai nai 1980 mihecaan miteka misa’icel midipot to mafadesay i Militaw laloma’an, mipa’ayaw palowad to 228 demak a payakyak, itiya cingra i 1995 miheca patireng to katimolay radio dingtay, i katedalan  katimolay sa’etal tadamaanay nikapolongan a piparatohan.

Pasowal sa ko citodongay padongos kakeridan ci Huang Weizhe, nengnengen ko ’orip ni Huang Zhaokai, ano itira to i lalan, itira to i kasa’opan no kitakit ano eca i radio a kamok, oyaan to ko faloco’ ningra to saki nikapolongan ko pisingting ko ni niyah a harateng, nai sa’ayaw tangasa anini caay ka falic, o sasowalen itini i rarakaten no Taywan ti saki nikapolongan o tadamaanay micikerohay ato palowaday a tamdaw, saki nian o tata’ongen cingra, nanay mapakahinom ko laloma’an ato citodongay padamaay, saka da’ocay to saki Taywan nikapolongan a misa’icelay ci Huang Zhaokai masawad to ningra ko karorayan a hakal minokay to i kakarayan, rihaday i ci Wamaan.

Midotoc to pihalaka no citodongay a wiyinhuy, o pipatelian i takenip ci Huang Zhaokai itira i 6/9 herek no lahok 1:30 ko toki i Nanpin huayti cahong mihemak, paherek padongos i Taynansi pitodojan, ikor o mamida’oc mapateli i Taynansi Keristokiw tadem; roma i 6/15 itira i Taynansi “Hungyin wencuang ciwsing” midemak pihiratengan a lihay.