O ilisin no Pangcah

O ilisin no Pangcah（kuwaping a sowal：阿美族豐年祭）, ano pakaynien i nika sasiroma no radiw ato fodoy i, malatolo ko nika sa'etal. O no sa'amisan, o no taterongan, ato no satimolan. I tini i sa'amisan hanany i, marapot ko no'amisan no Kiyko ato Ciwidian, pasa'amis tangasa i Takidis. O taterongan hananay i, marapot ko Holin pasatimol tangasa i Kompo ko satimolan. Itini no pasawali i, marapot ko Fakong, pasatimol tangasa i Tomiyac. O notimolan hananay i , maropot ko no timolan no Fanaw ato Madawdaw a maemin tangasa i palidaw i teloc no Taywan. Nikaorira, ano malecalecad ko pikafitan i, nika sasiromaan no paniyaro'an ato wayway no finawlan saka masasiroma to ko ilisin no niyaroaro’. Pakayni i nika sasiroma no mikowanay i, kinapinapina to a mafalic ko ilisin no Pangcah. I kaRiponan ho i, o pades no mato’asay a misakoli, saka padeteng saan caira a misacecay folad a ilisin. Deng sato, yo mangatato a malowid ko Ripon i, palacecay han to a palalen a misacecay lipay ko kahalafin no ilisin. Anini sato, nika sasiroma no demak a mafalic, ira ko cecayay a romi'ad, ano tosa, roma san ira ko misatoloay to romiad a ilisin.