O ka rawrawan no madawdaw a demak

O ka rawrawan no madawdaw a demak (成廣澳事件)

Yo mikowan ko Dipong to taywan i, litemohen no Pangcah ko sa’ayaway a tangasa i pasawali. Tadanga'ayay ko tamdaw noya niyaro', masinanotay ko pinangan saan ko pitapal noya Dipong, saka ano ira ko karetengay a tayal tatayalen i ca ka eca mitahidang to finacadan no Pangcah a pakatayal. Patinako han; o pipalalan to lalan no cilamalay ato no tosiya, misanga to kayakay, mipongkang, mikarkar to minato, no sofitay a demak, patireng to loma’, kahirahira no demak, Saka patangic sa'an mitahidang to kapah no niyalo a misakuli, Saka itilasa'an ipapotal no niyaro' ko kapah a matayal, ma'ihiw toku demak no niyaro' Awa'ay toko mimawmahay, Itira a malakuli miming ko lifun, Samisisama'anen lintay sako haling, Ikaka sato ko pikali'ang no dipong to misakuli'ay a kapah, Saka matumes toko langiwngiw no falocu, Masadak toko micu'a'angay a demak.

1910-2-25 Toya a romi'ad ira'ay ko tata'angay a kayki no dipung, Sama'anen a mifu'ot koya pangcah sa'an ko kayki nangra, Su'elin to papisanga'en nangra ko kapah, to kakahaday a katayalan, Saka pifu'ot nangra to misakuli'ay a yincumin, Tahila pilifunan masa'upo ko tomuk, Itila pisili'an iloma no tomuk, Mikayki ko tomuk, 1911-5 Mahelek toko demak no ilising haw i, Pasuwalen no tomuk ko kalo niyaro' O hafay namo'i akaka patayla'en i suku a minaang, Oya caka pinangan i suko a demak, Mafana toko dipung, Mitahidan to madawdaw, turik, a tomuk malicay to, O hafay namo manaca ko na'angen i suko, Safaw lima a romi'ad kalikien a patayni i suku a mina'ang, Oya dipung taylasa'an i falangaw mitahidang to tomuk ci Kolas-Mahengheng a mikaykic to lawlaw no niyaro'. Mitengil to suwal ko tomuk, 1911-7-24 Toya romi'ad i turik a kingcasaw Fucinyinselang misa'upo to tomuk, Kapu'i hanira ko tomuk macedeng kamu a misanga to lalan, Ya matuka'ay kamu, Pakatengil sako tomuk ketersa'an kilumot hanra a mi'odut, Taylasa'i papotar kilumot a miseti koya dipung, Tahila kapatayan noya kingcas, Saka mapakohac toko "Madawdaw a demak" .

Pakatengil sako tomuk no madawdaw ci likaro, Tayla sa'an ipitilidan patay hannira ko singsi, Misa'upu to finawlan, O madawdaw, O cirarokohay O kaheciday, O pa'ong ong, O torik a paniyaro'an, Tolo su'ot ko kapah a misasi'ayaw to dipung, Itira i pisili'an kanapuka a alo' misa'upo, Satuemanan sa'an milimek olasaka malitemuh no dipung, Lawlawsa'an ira toko makowangay, Ira ko maduka'ay, Ira ko mapatayay, hatila'ay koya demak, Satapang to amilimek ko fafahiyan wawa ato mato'asay tayla i lotok, Toya lilisan no riyal malikutay tono dipung, Awa'ay to ko pakayla'an no finawlan, 1911-8-10 Miliyaw ho mitahidang ci Kolas-Mahenghengan, Amikaykic tosa pipasela'an, Kolas-Mahengheng matu'asayto ci adada'ay, Olasaka adidi han nira mikaykic, O torik madawdaw a niyaro'. Opulong a kuwan pafeli han toko dipung, Ta nonini'an a demak haw i, Spat polo ira falo aromi'ad ko lawlaw no Madawdaw,