O kakaenen no Pangcah

O kakaenen no Pangcah (阿美族的食物)

Caay ka ngarod ko Pangcah to kakaenen. Ano i riyarayto, ano i hadhadayto, ano i lotokayto, ano maeferayto, makaen a maemin no Pangcah. O i riyaray i, o futing, o kalang, o rarokoh, o sadipit, o damay, o salol, ato masamaamaanay a dateng. O i hadhaday i, o tatokem, o kopir, o samawo’, o facidol, o fahok, o ingkokoy, o kalitang, o fata’an, o rihom, o tefi’, o naniwac, o roni, o komoh, o tayaling, o kakorot, o kenaw, o ’okoy, o tamorak, o lawoc, o kiseraay, o kimokmokay(lomaing), o tali, o tefo’, o daydam, o sina’osal, o lalopela’, ato masamaamaanay a pinalengalengaw. O i lotokay i, o sokoy, o da’ci, o teroc, o dongec, o pahko, o lokot, o kacomoli, o ciyok, o ’alem , o fokah no lawal, no mangcel, ato masamaamaanay a titi no a’adopen.

O no maefertiti no ’ayam i, o no ’arorir, no ’alic, no fanol, no polo’, no wakwak, no karenis, no ’atipal, ato no masamaamaanay a ’ayam. O sinafel no Pangcah i,caay kahati:ra aca, adihayho. O maan a sinafelan ko kaolahan no miso.