O tarawadaw no siwkulan

O tarawadaw no siwkulan (秀姑巒阿美)

I kongpo ko pitekaan no siwkulan , i kiwit ko cepo’ nira ta pasayra i riyar. nano kasopsopan no nanom no sa’owac, ta malasawa'eran no siwkulan hananay a tarawadaw o ka'edaw nira i 81 kilo masapikopiko ko karomakat no nanom. Nani timol ta pasa'amis ko 'alol nira, roma a nanom, kalidkid ko rakat. roma a nanom i masadafdaf ko lakelal ta malasasifo'ang ko sonol no likid no nanom. O malasasifo'ang no Yusan ato Taytung hananay a lotoklotokan ko siwkulan. I laloma’ no tarawadaw i adihay ko kahirahira no futing i nanom. Orasaka, kaolahan no masapangcahay a mifuting i tira. Malosaka'orip no pangcah ko kinaira no tarawadaw a futing.

Nai 79 miheca misatapang to pikihadoyan a tamina, 'aloman ko nanicowacowaay a tamdamdaw tayra misalama. I tini Taywan, o satata'angay pisalamaan to tamina i tira kayakay no kohkoh ko pisatapangan tangasa i Canghong a kayakay ko pitolasan. Sa'osi han ko raay Maedeng 4 ko widi tedong i Kiwi ta pahanhann,caay ka nikaw to nanom, manga'ay to a samihecaan saan a misalama.

Pi'arawan to lakaw

• 林金輝. (2011). Wikipedia 維基百科 族語詞條試寫─原住民族語詞條 2011作品集. 教育部.