O teloc no riyar ato lotok—Pangcah

O teloc no riyar ato lotok—Pangcah (山海子民—阿美族)

O riyar ato lotok, o ka’oripan no Pangcah. O malalokay a tamdaw ko Pangcah. I lawacay no riyar ko ’orip a tamdaw i, mafana’ko fa’inayan a micelem, mifoting, mipacing, mi’afar, ato misalol i laloma’no nanom. O fafahian sato i, micekiw, misadipit, midamay i lawalawacan no riyar. Caay ka talaw cangra to ’orad ato fali.

I lotokay ko ’orip a tamdaw i, mafana’ ko fa’inayan a mi’adop. Adihay ko ’a’adopen itira, ira ko fafoy, o mangcel, o fohet, o malonem, o ’alem, ato miteker to masamaamaanay a ma^feray a ’ayam. O fafahian sato i, mafana’ a midateng. Ira ko masamaamaanay a dating i lotolotokan. Ira ko dongec, o da’ci, o sokoy, o pahko, o lokot ato tatokem.

Itini i niyaro’, o safangcalay a kapah no Pangcah i, mafana’ay a mifoting, ato misaloma’. O limecedan a kaying i, malalok a matayal, mafana’a misacacak, ato inaneng a milosimet to laloma’ no loma’. O matiniay a malalokay a wawa no Pangcah ko kakahemekan no finawlan.

Pi'arawan to lakaw

• 吳明義. (2011). Wikipedia 維基百科 族語詞條試寫─原住民族語詞條 2011作品集. 教育部.