Pilifet to fana' to suwal no Yincumincu
Pilifet to fana' to suwal no Yincumincu (kuwaping a sowal：原住民族語認證)
mikawitIti:ya ho , misafacalho ko matoa'say , ano misanga’ to lalan no salananoman no omah i , nanitira i tatapangan no tukus a misitapang a palafanaw , ta misulinga’ to a mikarkar a misakengkeng a miropay to halalan no nanom a sera, do^do han nangra ko 'apilis no 'alo ato tono’ a misalalan . ano taharifa to 'ongcoy i , ano awa'ay to ko pakayraan to halalan i , makakutakutay a mipehpeh toya ’ongcoy ato mi’orong a mifalah toya napehpehan a fakeloh,caayay katalaw cangra to cidal ato 'orad , caayay karorayen cangra to romi'ami'ad a tayal , tangasa i kanga'ayan no nanom a romakat , ta palaheci a misalalan tangasa i omaomahan. Mahaenay ko pinangan no mato'asay no mita itiya:ay ho, a mapapalipaliw a madadadama a miliyaw a miliyaw ko demak nangra , ta ira ko kakaenen no mita i matini .
'Araw han no mita i matini , pakayniay i pipalowad to sowal ato tilid no Yen-Cu-Ming-Cu hananay a demak i , saka lima to a mihecaan a milifet to fana’ to sowal no Yen-Cu-Ming-Cu(原住民族), malowan a malowan ko panganganay a finacadan a miseking , maserer a maserer ko pakalifetay to fana’, i tini sca i mitiliday ho i pitilidan a kaemangay no mita mahaen aca , o haharatengen no mita ko mahaenay a demak a misakimokimor a mikingkiw. O Yen-Cu-Ming-Cu Wot-Yen-Hoy no mita i , so'elin to , adihayay to ko naikoran no demak nangra , pakayni i pipalowad to serangawan no mita , caayay to katararikor ko faloco’ ato pinangan nangra , tadamihayi kako to nidemakan nangra , nikaorira , o maherekay to , o pakalifetay to fana’ to sowal no Yen-Cu-Ming-Cu , o malapasifana'ay to i pitilidan a finacadan , caayay katangasa ko pirikec ko patanoktok no Yen-Cu-Ming-Cu Woy-Yen-Hoy no mita , do^do saan tono nisetekan no Ciyaw-I-Pu a demak , caayayho pakamuecel pakalifet to hahademaken i tini a mipa'ading to salongoc no Yen-Cu-Ming-Cu to kioyiku , awaayay ko no niyah a 'icel a lalan a misolinga’ a patireng to hamamamidiput to pasifana'ay i pitilidan .
O tomirengay i 'a'ayaw no kioyiko i pitilidan , i niyaro’ i , o pasifana'ay , nengneng han ko sifo no Taywan , cango'otay ko pipa'adingan , cango'otay ko palaheciay to salongoc i kalodemak , cango'otay ko solinga’ no paca'ofay to ngiha no i 'a'ayaway a pasifana'ay , o kasiniada'an to ko tireng ato paro no loma’ ato 'orip no pasifana'ay . Misacikacikay cangra a mirawod to konkoan , kalihanawan to ko rakat i lalalalan to romi’ami’ad , i tatokian tangasa i pipasifana’an a konkoan a pasifana’ to tilid ato suwal no Yin-Cu-Ming-Cu i wawawawaan sa no mita , o itiraay to i pitilidan a singsi no Taywan i , caay ka i mata nangra ko pasifana’ay no Yin-Cu-Ming-Cu , ci faloco’ cangra o Yin-Cu-Ming:-Cu i saan , caayay kamipadang a misa’op a mi’ocol to wawa no Yin-Cu-Ming-Cu a papinanam , oratek i mafu’ot no singsi nangra i pitilidan , o latek i malata'ocoran no singsi nangra a matayal , o roma i o miundoay ko wawa no mita i pitilidan , cecay a lipay sepat a polo’no tatokian ko pinanaman no wawa no mita i , matatodung to mahaenay a demak i , icu:waho a minanam ko wawa no mita , pakayni i tilid , pakayni i suwal , pakayni i serangawan , ci faloco’ci cedi aca ko malopasifana’ay no mita a midemak,'araw han awa saca ko pitadiecan sano pakuyoc sato ko pasifana’ay no Yin-Cu-Ming-Cu i pitilidan , ano itini aca i niyaro’ i , mahaenay aca ko faloco’ no mama ato ina no wawa no mita .
Nanay haenen no mita ko ’icel no faloco’ ita a midodo^ to pisalananom no mato’asay iti:yaho, ko pidemak no mita to rayray a demak no Yin-Cu-Ming-Cu , ta nanitera’ talatolis malasacingacinga ta awaay to ko malawaay a dademaken , o kasapaanto no Taywan a tamdaw kita .
Pi'arawan to lakaw
mikawit- 黃英明. (2011). Wikipedia 維基百科 族語詞條試寫─原住民族語詞條 2011作品集. 教育部.