Pipaselakan to kahirahira no dafong no Kanata
ta masasitiyor a makakafana’ ko no Taywan ato Kanataay a tamdaw
mikawit.jpg)
2022 miheca saka 1 folad, o Yinminhoy (原民會), o Yinowenhoy (原文會), o Yinyihoy (原語會) ato kofa no niyaro’ ko mipalowaday to [ O pikerid a palafangay a miliso’ to tayal no Kanata] (加拿大原住民族政策參訪團), I laloma’ no rakat nangra i, micafer a miliso’ to [pipaselakan to kahirahira no dafong no Kanata] (加拿大歷史博物館) , o citodongay a parayray a mikitoh nangra ko misaheciay a pakafana’ ato mikerid to ha rakat tonini. Itira a masasi’isal to saka fana’ to kasafinacadan a pipaselakan to kahirahira no dafong, ta minanam haca to nika pipalowad nangra to matenesay a matayal tonini.
Ci Caroline Dromaguet, o tapang no pipaselakan to rayray no Kanata cingra, milayap cingra to naniTaywanay a miliso’ay a sapakaolah a dafong i cingraan. Ta pakafana’ cingra to na pipaselakan a rayray nangra, o i 1856 a mihecaan to nano nikafafalican to dafong tono i Anishinaabeg a sera konini saan. Orasaka, patocek sa a pahapinang tonini a pipaselakan a patelian to dafong, o makakafitay to niyaro’ no Yincomin koninian. Caay ka tano sa’opo saca to kaciketon to demak to talicayan aca, mapalowad to nangra ko 200 a tamdaw to matanengay, 50 ko finacadan to pakahalakaay to to dafong a miterek a citodongay a matayal a tamdaw no finacadan. O mapahekalay tono pipaselakan a patelian to dafong anini i, sahto o na mafana’ay a mitayal a cirocekay ko misafacoay, citodong haca a mipatalahekal a mitosil to natayalan nangra, mararid a mikapot ko Yincomin tonini a tayal.
Pacedi ko pipaselakan a kaitiraan, o mataterekay ato Yicomin ko kitakit no Kanata, 1970 a miheca o hatiniay a pipaselakan a patelian to dafong i, misatapangay to a misafaco to sapipatikoraw to na dafong, ato misaharateng to maanen a masasinga’ay ko kalali’ay ato Yincomin saan. O mamipalowad ko Taywan to pipaselakan a patelian to dafong, minanay to saka dadama to tayal i ikor.