Saint Vincent and the Grenadines
Saint Vincent and the Grenadines (Inkiris a sowal: Saint Vincent and the Grenadines), decdec a tilid Saint Vincent, ano eca Saint Vincent and the Grenadines, o Latin Amilika safaniyot a kitakit, itiraay i katimolay no mimingay Antilles kasakanatal i Caribbean riyar, laedan no Saint Vincent and the Grenadines, o tata'akay Inkiris a lekatep a sakapot. O finawlan saheto o kohetingay tamdaw ato kohetingay kohecalay a camel a tamdaw.
Likisi (歷史)
mikawitO nano niyaro’ kamaro’an no Indian Caribbean ko Saint Vincent and the Grenadines.
I 1492 miheca, tangasa i Saint Vincent ci Columbus itiya i, irato: maro’ itini ko Caribbean finacadan ko Indian tamdaw.
1627 miheca, macalap no Inkiris ko napala. Ikor o France mihapiw o noniyah citodongay salongoc mikowan to nia pala, ona tosaay a kitakit macacefis tina pala a kinapinapina malalood.
1783 miheca, i “Paris kalatelek” so’elin o Inkiris ko mikowanay tina pala.
1833 miheca miteka, o nano pasifaliay a palapalaan a sera ko Saint Vincent.
1958 miheca 1 folad, o Saint Vincent ato Grenadines a palapalaan malacecay mikapot to “kaetip Intu nipatatekoan a kitakit”, tangasa 1962 miheca 5 folad kaetip Intu nipatatekoan a kitakit malicinowas.
1969 miheca 10 folad, o Saint Vincent and the Grenadines midemak to “no niyah laloma’an a pikowan”, o no Inkiris a kasacofelan a nipatatekoan a kitakit, nika saki kacacofelan a demak, sapitena’ a demak o Inkiris ko mikowanay.
1979 miheca 10 folad 27 romi’ad, o Saint Vincent and the Grenadines mihapiw to pisiiked, nika oya a Tata'akay Inkiris a Lekatep ato sakakaay a micowatay no Inkiris hontian kitakit sakapot.
Palapalaan (地理)
mikawitO Saint Vincent and the Grenadines kitakit o nano Saint Vincent a pala ato kasapalapala no Grenadines a masakapot, o dadahal ira ko 389 pinfang kongli, o ta’akay maci o Kingston. No Saint Vincent a palaan dadahal ira ko 346 pinfang kongli, kakaya’ 26 kongli, kakahad 15 kongli, Grenadines palapalaan halo 32 a mimingay pala, o dadahal 45 pinfang kongli. O Grenadines palapalaan ira ko Bequia pala, Mastic pala, Canouan pala, Union pala, Myro pala, mimingay Saint Vincent pala ato Pam pala ira ko tamdaw maro’ay.
Saint Vincent a pala ira ko namal lotok a pala, makofakofay ko lotok, awaay ko dafdaf. Satakaraway tokos o Soufriere namal lotok, nai riyar 1234m ko takaraw, mararid mafowak, tinako 1970 miheca kina 20 ko kafowak.
O nai kitakit ira ko toloay no sekal a tataparan pinalengaw: pasifaliay a palapalaan o paso’emet ko kilakilang ato pasifaliay a palapalaan makedal ko kilakilang. I 2019 mheca o kilakilangan salongan 6.95/10, itini i polong no cikiw 172 ko kitakit o saka 61 ko kanga’ayan no kilang.
Talacowa o fa’edetay, nika o fali nai riyaray ko mipatatodongay, to sakadamsay no kafafalicfalic no romi’ad, ’oradan 2540mm to mihecaan, kaciherangan kafarawfawan adihay o kafaliyosan.
O kasasiiked a sakowan (行政區劃)
mikawitSaint Vincent and the Grenadines kitakit masilsil to 6 a niyaro’ kadademakan a ’etal:
Charlotte Parish
Grenadines Parish
Saint Andrew Parish
Saint David Parish
Saint George Parish
Saint Patrick Parish
Kicay (經濟)
mikawitO sakinaira no Saint Vincent and the Grenadines kitakit o kaliomah ato kasakitakit a paysoan, o pinaloma o pawli. Kasakitakit a paysoan o Saint Vincent and the Grenadines ko sakinaira no kicay.
Pirarakatan o sakaira no kicay no Saint Vincent and the Grenadines kitakit.
Sofatay (軍事)
mikawitSaint Vincent and the Grenadines kitakit o nano tata'akay Inkiris a lekatep, nika o nia kitakit awaay ko sofitay, itini Saint Vincent and the Grenadines kitakit ira ko Royal Saint Vincent and the Grenadines Police Force ato Coast Guard. O saka rihaday mapa’orip ko kitakit, o Regional Security System o pikapot to lekatep.
Kacacofelan a demak (外交)
mikawitTamdaw (人口)
mikawitI Saint Vincent and the Grenadines kitakit salongan ira ko 12 ’ofad tamdaw, o nano Africa teloc kohetingay tamdaw ira ko 75%.
Pinengnengan tilid. (參考文獻)
mikawit1. CIA Factbook. Central Intelligence Agency. [2018-11-13]. （nano nina’angan tilid i 2020-11-05）.
2. CIA Factbook. Central Intelligence Agency. [2018-11-13]. （nano nina’angan tilid i 2020-11-05）.
3. St. Vincent and the Grenadines. World Economic Outlook Database. International Monetary Fund (IMF). April 2022 [2022-07-23]. （nano nina’angan tilid i 2022-09-20） （Inkiris swal）.
4. Human Development Report 2019 (PDF). UNITED NATIONS DEVELOPMENT PROGRAMME. [2019-12-22]. （nano nina’angan tilid (PDF) i 2019-12-09）.