Sama'
Takaray a sowal 概要 mikawit
Tatodong用途 mikawit
O sama’, manga’ayay makaen a sinafel, i kalaloodan ato kasienawan a romi’adan, lengaw sanay i palapalaan, i omaomahan ato i padatengan, itiya ho ko ’orip no mawmahay, cango'ot ho ko kakaenen, awaay ko sapakaen to ’ayam, kaciw ato howak, tayra i palapalaan midateng to takaraway tapangan a sama’, tahaloma’ tontonen to kora sama’, pacamol han to afih, ta o sapakaen to howak, saka ira ko roma a pangangan no sama’, o kaciw a dateng han ko roma a ngangan. O Yencomin a tamdaw, o Pangcah a finacadan, ano midateng to sama’, o teloc koengelay aca ko mipitpitan, ’angrer a kaenen, o mato’asay i, ano caka halikaen i, komaen to sama’, fangcal to ko fitoka’,ano mitangtang to sama’, pacamol han to tatokem ato papah no sokoy, sakohaw han misafel, wa:ta ka aledet kohawen ko kohaw nira. Ano o Paywan a finacadan, pacamol han to halo misafel.
O sama’ i, manga’ay malasapaiyo, maemin ’angrer ko tapangan, manga’ay misered to kawsiya, ano adada ko fitoka’, tira’, mafaha’, madoka’ ko fanges, o safangcalay a sapaiyo ko sama’.