Satimolan a kanatal a kimad

Nengneng han ko taliyok no cikiw saheto to o riyar a maemin , nika i satimolan no taypinyan adihay ko mimingay a kanatal . Onini mimingay kanatal , ano harateng han kona tamdamdaw o ikoray to tangasa toni a pala . Nikaorira awa ko mafana’ay a tamdaw , na samanen no tamdamdaw tangasa tonini a pala . Nano to’as awaay ho ko tilid , awaay ko sasing ato filomo , orasaka awa ko pakayraan no mita a mifana’ to ’orip no itiyaay ho a tamdamdaw . Nano to’as awaay ho ko tilid , awaay ko sasing ato filomo , orasaka awa ko pakayraan no mita a mifana’ to ’orip no itiyaay ho a tamdamdaw . Ro:ma i , pakakarkar kami tono liteng ho a loma’ , anca o ’okak no tamdaw , ato lalosidan no saka ’orip . Manga’ay to niyam konini pinakarkar a lalosidan , a mifana’ to ’orip no itiyaay ho a tamdamdaw . Nikaorira , onini sa a lalosidan maemin to makatelang , sa’osi han caay ka hakowa . O nisidayan sa no to’as a tamdaw , o saadihayay i , harateng han deng o sowal aca no tamdaw . Ano mafalifalic ko caciyaw i , nika nano to’as tangasa tahanini ira to caay kalasawad . Ira ko citanengay maherek mikadkad to sowal no tamdamdaw i , makafana’ to tona itiniay a kanatal a tamdamdaw , so’elin to nai Taywanay masadak a mafolaw saan . O tamdamdaw no itiyaay ho , ano pakariyar a mafolaw i , mihawikid aca to ciepocay a pinanowan ato pinalengaw miparo i lonan . Ira ko mikadkaday to kahirahira nonini pinalengaw , makafana’ to nai Taywan ko pisatapangan ko kafolawan a pala . Mikalic to lonan i riyar mikilim to faelohay a pala ko tato’asan no mita , tangasa to i satati’ihay kahiceraan a pala nona hekal . Matiya cinamalay a lotok caay ka citolas misanga’ misafaeloh to sera , o tato’as no mita pakafana’ titanan aka pitolas misa’icel misanga’ to faelohay .