Siwa finacadan serangawan a niyalo

75-7-27 a romiad misatapangay a paluwad tonya siwa finacadan a paniyaro'an, itini i fangcalay a pasadak tono yincumin akahilahila a serangawan, itini i makapahay a lotok ato pahanaan, saka adihay ko maolahay a lafan a tayni misalama, itini i taywan o sata angayay no paputal a po u kwan, saka adihay ko tiniay a minengneng tono yincumin a demak, naw hani o icuwacuwaay a kayko tayni a liwku, paka alaw cangra to tokopic no taywan a wenfa。

Tonya siwa finacadan haw i, iraay ko tolo taangayay a kasapinangan

Saka cecay

siwa ko finacadan, o tayal, o amis, o paiwan, o bunun, O saysiyat, o piyuma, o rukay, o tsou, o yami, kahilahila ko demak ato pinangan, o pafana to tayniay a lafan, ato pafana to ka i kolay teluc, toya lihoc sataangayay o no yincumin a sacecay cecay a luma pikaysak, ira ko kakeruan ato kikian kadufa musiruy a nengnengen。 mapatasekal mafana ko cimacima a tayniay a widang, o yincumin no taywan tadafancalay。

Saka tusa

o pisalamaan fasiw fafiw sanay, o kaolahan no wawa a misalama, ano awa ko icel no falocu akato pikalic, ira ko yufu sawi i cilang taykonsan mayatansyin haytawcan cinkwasan kahilahila atasalamaan, mahemek ko wawa a tayra。

saka tolo

o pahanaan kahilahila no hana tadamakapahay, iraay ko kisya to pikalican, taliyok han no kisya a cumikay, salipahak sako falucu a minengneng to makapahay a hana。 85-7-27 aromi ad ira ko pikiting a kayki, saka no yincumi a romiad, toya lalomaay a kahilahila dafung adihaya ko pipadang no yincumin saan, mikansya patikul to pipadama saan, toya romiad o pinokayan no yincumin, malacecay mahemek lipahak a misalama。

Pi'arawan to lakaw

孔春美. (2011). Wikipedia 維基百科族語詞條試寫─原住民族語詞條 2011作品集. 教育部.