U lisin nu Pangcah tu cacayay a mihca

U lisin nu Pangcah tu cacayay a mihca (年節慶名稱)

Silisin ‘amin ku kalu niyaru nu Pangcah i cacayay a mihca, nu i amisay a Pangcah (南勢阿美族群) ku suwalen anini.

1. U saka cacay a bulad, u ’’pisaumahan(春耕)’’ a bulad. Mibulsak ku maumahay tu panay.
2. U saka tusa a bulad ’’ piteluban(相撲)’’ han, marimurak malipahak aca ku niyaru’ a malalebulebu ku babainay.
3. U saka sepat a bulad ’’pibahbahan(驅蟲)”, mapuyapuy ku tipus imatia, uruma ku sida’it nu maumahay a kaenen a buruburen nu takenawan ku mipalumaan. Tangasa hakia i nipitipus ku kapah nu tipus sa a lihalaw. Manay, mitakus ku binawlan tu sikawasay a papibahbay tu matilaay parawacuay misara’cusay tu nipalumaan a takenawan. Urasisa, u inian u nipatatudung a demak, pacucu tu tipus han ku ruma a suwal.
4. Saka lima a bulad, ’’mibalidas’’ han, mababiyanga(拔河比賽) ku kapah i kakabekacan nu niyaru.
5. Saka enem atu pituay a bulad, u “pila’disan(捕魚祭)” tu a bulad, uruma ku lipahak nu babainay a tara i tarawadaw i liyal i ciris a mibuting, salipahak sa ku salumalumaan a malahuk i umah tu nibutingan.
6. Saka walu a bulad, u “pilisinan(豐年祭)”, u kalalikidan a bulad, tatalaan u salipahak nu binawlan tu cacay a mihcaan. U babainay a selal, nanu dabak tangasa i katu’eman, caay pasatuku a misakeru i lalikidan. U kapah nu masaselalay, imatia i katuasan a mihca, a ca’ay kitini nu babahi i pilalikidan, paysin saan sa ku suwal nu matuasay.
7. Saka muktepay a bulad “mirecuk(巫師祭)” – u lisin nuhni u sikawasay kina bulad, macacuruk kuhni a tayra i ruma’ a mapapuhpuh(驅病), miasik tu luma’(除穢), padaesu(降幅) tu tireng nuhni. A pacakat aca tu taneng nu tireng tu sakay kawas.
8. Saka sabaw cacay a bulad “talatuas(祭祖)” – misalisin ku binawlan tu tuas nu mita u Pangcah, ira aca a patudung tuini u mapatayay a tamdaw nu luma’..
9. Saka sabaw tusa a bulad, u “kaliliwan” sa ku suwal nu matuasay. Caay kanca ku babainay pitiker tu ayam i umaumahan, u ruma sa iri, cacay a lalipayan a taira i lutuk, sakasaan, ira haw ku tatangican nu kapahay tarayaay a banuh nu ayam, tu sasangaan tu tinpi’ i sakalalikidan nu babainay. Sisa, caay kanca katara i maraayay a lutuk a miteker ku babainay.

Anu malemed ira ku nitekeran, tanu ulah sa ku babainay a pataluma’ tu ni’alaan, salipahak satu ku lalabu nu luma’ a malabi. Ina kakawau, “malahuk tu liliw” han ku suwal.

Pi'arawan to lakaw

• 李文廣. (2011). Wikipedia 維基百科 族語詞條試寫─原住民族語詞條 2011作品集. 教育部.