Taywan Pasiwali
O sowal no Pangcah konini “Pasiwali” sanay, o kasadakan no cidal, o karengawan a ma’orip no ’alomanay a finacadan ko sawali hananay. Ona Piparadiwan a romi’ad hananay i, mikitini i 22 a romi’ad no sako 10 a folad a misatapang, pararid to tosa a romi’ad. Ira a matahidang ko papitoay nai romaay a kitakit ato no i Taywangay to a sa’opo no maradiway. Macacadacada a masadak a romadiw cangra. I taliyok nona piki’arawan i, ira aca ko paliwalay to no Yincumin a maamaan. Saka, caay ko pitengil aca to karomadiw, mapatalahkal ko no Yincumin a laliwalen.
Taywan Pasiwali 2022
mikawit“Taywan Pasiwali” (PASIWALI音樂節) hananay i, o Piparadiwan a romi’ad no kukusay konini. O maradiway no Paliwan ci Utjung Tjakivalid (舞炯恩·加以法利得), yo lahci han ningra romadiw ko pinapina a radiw nira i, mafawfaw ko faloco’ no mitengilay a tamdaw, a mikihatiya toya radiw nira a misawahowaho a makero.
Tona ira ko picara no lifong, saka mapahanhan to tosa a mihcaan kona “Taywang Pasiwali” hananay tono kukusay Piparadiwan a romi’ad, miliyaw aca a mitahidang to nai Filipingay, i Palaway, i Intonisiyaay, ato i Malaysiyaay a maradiway a sa’opo. Matengil itini ko makapahay a radiw no masasilomalomaay a finacadan.