Olalip

O ngangan no Olalip (屋拉力部落由來)

O ngangan no Olalip, ira ko tosa a sowal. skacecay, adihay ko mapalomaay a ra’ra’ itini sa ira ko matiniay a ngangan no niyaro’ , sakatosa i, o pialaan to nanom a pala sanay ko sowal no kimad no Pangcah. O kasangasaw to kasalaloma’ i Olalip a niyaro’ ora ma’araway a ngasaw i, ira ko sepat a mapanengnengay , o Pacidal, o Talakop, o Papiyan, o Kakopa, o Pacidal a ngasaw ko ka adihay.

O kasiikedan no niyaro’(部落特色)

Olilip a niyaro’, O-la-li (屋拉力) han ko sowal no Holam, i ilaloma'ay no Ruysuy-syang (瑞穗鄉 sowal no holam ) no Hualien-siyen (花蓮縣 sowal no holam ) a He-kang-Cun (鶴崗村) a niyaro’.

Kakaenen no romi'ami'ad no Olalip (部落日常美食)

Olilip a niyaro’, misi’ayaw to pala ato lotok, o kakaenen a dateng saheto itira i pala a miala. ano tayni a mipalafang to Olilip a niyaro’ i, adihay ko sapakaen no finawlan no ’Amis, ira ko titi, o siraw, o fadas, o dongec ato midateng to no pala a dateng. nika ano ira ko tadamaanay a romi’ad, mato misaloma’, pataloma’, kailisinan, pakelang ato mililafang caykaeca misahakhak anca misatoron malo hemay sapakaen. onini ko tadakakaenen no niyaro’ no’Amis.

Wirokan a niyaro’(柚子之鄉)

O wirok ko cingannganay i Olalip a niyaro’, so’elinay nga’ayay a kaenen. tadafangcalay ato awaay ko iyo a wirok. itini i Olalip a niyaro’, tangka'ay to tireng no nipalomaay nangra, oya ko sakacingangan ira. wata! kafangcal nengnengen ko taliyok no niyaro’ ato o maomahan, matatodong paloma to awaay ko iyo a dateng, o panay, o losay, o falinono, o da’eci ko pinaloma.

O nikalopisak no Olalip (人口分佈)

Itiniay i Ruisui(瑞穗) Cen no Hualien(花蓮) ko Olalip a niyaro’, 179 ko sa’osi no parod no loma’, 506 ko sa’osi no tamdaw.

72% ko ka’aloman(多的) no Yincomin(原住民), polong han i, 364 ko tamdaw; o roma sato i, 28% ko ka’aloman no roma a finacadan, polong(全部) han i, 142 ko tamdaw.

O pa-sin-to(百分比) no ka’aloman no tamdaw no kasafinacadan(族群) i, ko Amis(阿美族)69%, Paiwan(排灣族)1%, roma(其他)2%.

Ira ko picodadan(原住民部落圖書資訊站) i niyaro’.

O finacadan no Yincomin (所屬阿美族群)

Itiniay i Ruysuy-syang (瑞穗鄉 sowal no holam ) no Hualien-siyen(花蓮縣sowal no holam) ko Kiwit a niyaro’, o tatapangan a niyaro’, ira ko Tafalong, Fata’an, Kiwit, mililis to tarawadaw no Siwkolang a siniyaro’, na itira i tarawadaw no Kalingko talatimol tangasa i Cilamitay, nawhani maemin paniyaro’ i lawac no Siwkolan a tarawadaw sa mapangangan to Siwkolan a ‘amis. ira ko Kiwit a niyaro’, Olaw a niyaro’, Olalip niyaro’, Kalala a niyaro’, Sapat a niyaro’, Atolan a niyaro’, Langas a niyaro’, Lacihakan a niyaro’ , Koyo a niyaro’ ato Morocan a niyaro, falo a niyaro' ko pipolongan. Ona niyaro’ a maemin i, caayay kalalecad ko rayray no lilengawan, o rakat no kafolaw, o taliyok no paniyaro’an ato kasasiroma no saka’orip, caayay kalecad ko ngarngar no serangawan.

O pitooran no finawlan (族人信仰)

O pitooran no finawlan no Olalip i, ira ko tosa a kinkay , o tingsikiw ato ciwlokiwkay i He-kang-cun(鶴崗村) , o He-kang ciwlokiwkay a tamdaw ko adihayay. pakayni sa’opo no kinkay,malosakarikec ato sakarakat no ’orip no Yincomin, ano iraay ko adada, o pades ato ira ko tatiihay a manmaan a demakan, maemin mitahidang to kiwkay mipadang.

kalimelaan ko sowal no Kawas, to sakafana’ to ’orip no tamdaw. mapastek no Kawas i raraw ko tatiihay a tamdaw, o mamawanik ko ciraraway a tamdaw nai kasakapot no mocelay a tamdaw.